Fainas

In prus de sa musica e de is sonadas, is sotzius, cun atrus traballus ant studiau s’acustica de is launeddas (A. Fanari), sa strutura musicali e s'organologia (G. Meloni e G. Pala), sa storia e sa vida (E. e G. Lallai), studiu de s’evoluzioni tecnica de su strumentu (F. Sirigu), sa discografia e su ballu sardu (I. F. Spano), s’ arregorta de sa canna (D. Tangianu), commenti si faint is sònus e commenti torrai sulidu (I. Zucca).

Totu custu arresutat in su liburu "LAUNEDDAS", bessiu in 1997 - AM&D - Casteddu, in pari cun is traballus de atrus studiòsus mannus de sa Sardinnia, chi ant scritu de storia, de còntus, arregòdus e simbillantzias de custu strumentu antigu.

Custu liburu, dd’eus presentau in lògus meda de Sardinnia e de continenti: Casteddu (Salone del Banco de Sardegna), Tatari (Conservatorio), Nuoro (Museo Etnografico), Firenze (Sala del Cenacolo, Chiesa de S. Croce), Milano (Amici del Loggione della Scala).

Sa presentazioni, acumpangiada o sighida da is sonadas, at sempri tentu interessu mannu.